Ha ka kam, nga la hap ban iaid lyngba ia ka jait jinghikai kaba dawa ia nga ban pyndep ia ki kam jong ki paralok ba trei lang jong nga haduh shi taiew. Ha kaba nyngkong, ngam sngewthuh ia ka jingmut jong u nongpeit jong nga. Nga sngew tang ba la pynkylla ia nga, bad man ka por ba nga wan ha ka kam, nga hap ban ialeh pyrshah ia ki jingpyrkhat kiba sniew jong nga. Katba ka taiew kaba nyngkong ka nang kylla long ka taiew kaba ar, nga la sngewlehrain bad sngewthuh bakla. Khatduh khatwai ngam lah shuh ban buhrieh ia ka jingsngewsih jong nga, bad ka jingmut jingpyrkhat kaba sniew jong nga ka la sdang ban ktah ia ka rukom leh jong nga ia ki paralok ba trei lang.
Ynda nga la wan sha ka jingmut jingpyrkhat bad nga la pyrkhat ia ka jinglong jong nga, nga la sngewthuh ba nga la pynmong ia ki paralok nongtrei jong nga da ka jinglong kaba sniew jong nga. Ha kata ka khyllipmat, “ Ki Ktien Jingieit Ka Kmie Kiba Wanrah Jingsuk ” ka la wan ha ka jingmut jong nga. Da kaba kut jingmut ban pynbeit ia kiei kiei, nga la rai ban panmap bad nga la khot ia ka jingialang. Nga la iasam ia kaei kaba nga la sngewthuh katba nga nang sngewthuh ia ka bynta kaba kongsan jong uwei pa uwei u briew, bad nga la panmap naduh ka dohnud na ka bynta ki kam jong nga.
Naduh kata ka por, nga la ioh ia ka jingshemphang kaba kham jylliew shibun, bad ka jingshemphang ka la pynlong ia nga u nongtrei uba kham bha. Kane ka jingmih kaba khraw ka la sdang na ka khyllipmat ba nga la buh tang kawei ka kyntien ha ka jingtreikam: “Nga sngewsih.” Ki kyntien ki don ka bor ban pynkoit!