Ngi ia kren bun kiei kiei ha ka shisngi. Hynrei tang kawei ka ktien ka lah ban pynmong ia uwei, ban wanrah ia ka jingialeh, ne wat ban wanrah ia ka jingbym iasngewthuh jingmut. Ka thylliej kaba rit bad kaba ym lah ban iohi ka don ka jingktah kaba khraw lyngba ka jingkren. Ha ka jingshisha, ka jingktah jong ka jingkren ka don shadien jong kiba bun ki jingialeh bad ki jingjia kiba sngewsih.
Lada ong kumta, kam long kaba lah ban sngap jar. Kaba kongsan ka long kumno la kren ban ia kaei kaba la kren. Shuwa ba ngin kren, ngi dei ban pyrkhat bha ia ka jingktah kaba ki ktien jong ngi kin ioh. Ka jingkren kaba kynthup ia ka jingsngewnguh, ka jingai mynsiem, ka jingsngewlem, ka jingpanmap, bad ka jingieit ka dei ka ktien kaba ngi dei ban pyndonkam.
Nga la nang ia kane ka ktien kaba sngewtynnad lyngba ka ‘Ktien Jingieit jong ka Kmie’ bad nga la sdang ban pyntreikam ia ka. Ka la long kaba eh khyndiat ha kaba sdang, hynrei katba nga nang sdang ban khublei ia kiwei bad kren ha ka rukom kaba kham pyrkhat, ki jingleh jong ki briew kiba don sawdong jong nga ki la sdang ban kylla. Wat ki briew kiba ju iehnoh ia kiwei bad kiba kren bein ruh ki la sdang ban kren pathar.
Nga la sngewthuh ba ka ktien kaba rit ka lah ban plie ia ka dohnud jong ki briew, ban pynioh biang ia ki jingiadei bad ban pynkylla ia ka pyrthei.
Kumta nga kylli ia lade man la ka sngi, .
"Ka ktien aiu kaba nga la kren mynta ka sngi? Hato nga la iasam jingsngewtynnat bad uno uno?"
Ka jingiasam ia ki kyntien jingieit ka dei ka sienjam kaba nyngkong eh ban pynlong ia ka jingieit ban phuh biang ha kane ka pyrthei kaba la jot rathai.
Ha ki sngi ban wan, ngan dang iai pynmlien ban kren don akor bad bha.
Khublei. ❤️💐