Dang shen nga la sngewsih bad sngew jynjar namar ka jingkhuslai ha ka kam bad katto katne ki jingeh ha iing. Nga la pang ruh namar ka jingbym iohthiah katba nga dang pyrshang ban pyndep ia ki por ba la buh ba ngi don mynta u bnai.
Ha kawei ka Sngi U Trai, ka balang jong ngi ka la don ka jinglehkmen. Nga la rai ban leit, bad ha ka jinglyngngoh jong nga, nga la iohi ia kiba bun ki para kynthei kiba ieit jong nga kiba ngam shym la iohi la slem bad ki la iadon lang kumjuh.
Nga la lah ban khublei bad ban kdup ia ki, bad kawei ka para ka la ai wat ia nga ia ka jingthoh ai mynsiem kaba dap da ki kyntien kiba ieit bad kiba ktah ia nga kiba la ai bor ia nga. Wat la nga la sngewsih ha kine ki khyndiat sngi ba la leit noh namar ha ka khyllipmat ba ka la ai ia nga ia ka kot, nga la sngew ba nga la ioh mynsiem mardor.
Nga la shah ktah shisha bad nga la sngewnguh namar lada nga shu sah ha รฏing ban shongthait, ngam shym la sngew รฏoh mynsiem kumba nga sngew mynta. Khublei shibun Sister ba phi la ai mynsiem ia nga. ๐