Shwa ba ka snem kan kut nga la iathuh ha u nongialam jong ka Team jong nga ba nga hap ban leit sha kawei ka jinglehkmen ha iingmane. Namar ka shuti, ka la long shisha kaba eh ban pan shuti namar ba bun ki paralok jong nga ki don ha ka shuti, khamtam ha ka sngi kaba khatduh jong u snem 2024. Haba nga la leh ia ka jingbuddien ban pynshisha lada nga lah ban leh ia ka kam shiteng sngi la iathuh ia nga ba kam long kaba lah namar ba ym shym la mynjur. Nga la shah pynmong namar ba ka long kaba kongsan ia nga bad ka jingbitar ka la bthei kynsan na nga bad nga la ong ia u nongpeit jong nga ba ngan ym leit trei ha kata ka sngi.
Ka jinglong ha ka kynhun jong ngi ka la kylla kynsan namar ba ym shym la pynurlong ia ka jingkyrpad jong nga. Hynrei ka la ong ia nga ba kan sa thaw lad katba ka sngew ba ka long kaba kongsan. Ngam shym la jubab ia ka kumba nga la sngewsih. Hynrei ynda nga la poi ha iing nga la sngewthuh ba kam long kaba bha ba ngan ailad ia ka jingbitar jong nga ban mih shabar. Nga la kren ia ki kyntien ki bym myntoi. Ka jingsngew jong nga ka la long kaba hok namar nga la kren ia ki kyntien kiba nga kwah hynrei kumno pat ia u briew uba ioh ia kata ka ktien kaba eh? Hato ka kmie kan sngewbha?
Nangta ha ka sngi shwa ba ngan pan shuti, u nongpeit jong nga u la iakynduh nyngkong ia nga da kaba phah khubor bad u la ong " Nga la phah jubab ia phi ha ka email jong phi. La mynjur ia ka jingkyrpad shiteng sngi jong phi. Wat sngewsih." Ha kata ka por nga la ong ia ka ia ki kyntien "Nga sngewsih, namar ba nga la kren ia ki kyntien kiba pynsngewsih ia phi". Ka jingiakren jong ngi ka la iaid bha bad ngi la iasam ktien bha iwei ia iwei pat.
Lyngba kane ka jingialap ‘ki kyntien jingieit jong ka kmie’, nga kham sngewthuh ia kaei kaba ka kmie ka kwah. Ka jingpanmap kan ym pynlong ia phi ban shah shitom ne ban sngew ba phim long uba kordor. Teng teng ka pynlong ia ngi ban pynkhuid bad peit biang ia kiei kiei kiba ngim shym la husiar bad leh kham bha ha ka por ban wan.Naduh mynta ngan pynthikna ban pynmlien ban ong ia ki kyntien kiba myntoi ba kam dei kaba pynsngewsih hynrei kaba ai mynsiem khnang ba ka jingieit jong ki Kmie kan phuh ha man la ki jaka.