Ha Nepal ka 4 tarik u Risaw ka dei ka Mother’s Day, ka sngi ban kynmaw burom ia ki kmie.
Ka long kumba kam long kaba suk ban pynpaw ia ka jingieit ia ki kmie ki kpa ha Nepal. Ka jingieid ka don ha ka dohnud, hynrei ka long kaba eh ban pynpaw. Ngam pat ju ong ia ki kyntien “khublei”, “nga ieit ia phi”, “nga sngewsih” ia la ka kmie. Wat la nga kwah ban ong ruh, ka la shu sahkut tang ha ka jingmut jingpyrkhat jong nga.
Hynrei ha ka sngi ba nga kynmaw ia la ka kmie, nga la lum ia ka jingshlur bad nga la khot ia ka. Nga la kylli ia ka kumno ka long bad, da kaba kynmaw ia ka ktien jingieit ka kmie jong ka, nga la ong kumne.
“Mama, nga ieit ia phi. Khublei ba phi la kha ia nga. Khublei ba phi la ieit ia nga. Bad nga sngewsih ba nga la pynmong ia phi da kaba tip bad khlem tip.”
Ka kmie ka la jubab lyngkot, “Oh, khublei shibun.” Wat la ka kren tang ar kyntien, nga lah ban sngew ia ka jingsngewtynnat bad jingkmen kaba don hapoh jong ki.
Nga la kren ia la ka kmie ha ka ‘ktien jingieit jong ka kmie’. Nga la sngewthuh ba ka jingpynpaw ia ka jingieit lyngba ki kyntien ka wanrah ia ka jingkmen ha ka dohnud.
Nga sngewkmen shisha mynta ka sngi. ❤️❤️🤗🤗