Ka don kawei ka jingkut jingmut jong u snem thymmai kaba nga la kut jingmut ban bat bad kata ka long ban pynlong ia ka iing jong ngi ka jaka ha kaba ka jingieit U Blei ka shong shisha. Lyngba ka jingïakhih jong ki Kmie jong ka Jingieit bad Jingsuk, la ailad ïa ngi ïa ka lad kaba itynnad ban ïasam ïa ki kyntien iwei ïa iwei pat kiba lah ban pynïajan shuh shuh ïa ngi.
Ha kawei ka sngi, katba nga dang pynkhuid, nga dang iaid stet bad khyndiat khlem da sngewthuh ruh, ka khun jong nga ka dang peit ia nga. Ka la kylli, “Mami, phi donkam jingiarap ei ei?” Ki ktien jong ka ki la pynsangeh ia nga ha ki jingrwai jong nga namar ngam pat ju iohsngew ia ka ban ong kumta mynno mynno ruh. Nga la jubab, “Em, sweetie, kam pher ei ei Khublei shibun— nga la jan dep.” Nangta ka la ong ia kaei kaei kaba ngan ym klet: “Nga shu sngewsih — phi trei shitom haduh katta katta.”
Kita ki kyntien ki la ktah jur ia nga. Ki la pynmih ummat ha ki khmat jong nga, bad wat mynta ruh, nga dang pyrkhat ia kata ka khyllipmat. Ka la pynkynmaw ia nga haduh katno ki kyntien ki lah ban long kiba donbor —kumno ki sah bad ki briew kiba ngi iasam ia ki.
Naduh kata ka por, nga la iohi ia ki jingkylla ha baroh arngut ki khun jong nga. U khun jong nga u la sdang ban pynpaw ia ka jingsngewnguh shwa ban thiah, da kaba ai khublei wat ia ki khyllipmat kiba rit tam jong ka sngi jong u. Katba ngi dang iai bteng ban pynmlien ban kren ia ki kyntien jong ka jingieit bad jingbhabriew, ka iing jong ngi ka sngew pher shisha — ka kham jem, ka kham shit, bad ka dap da ka jingsuk. Baroh ki khublei ia ka Kmie jong ki Ktien Jingieit bad Jingsuk Campaign!