U jingthung uba phylla uba la tip kum u Sweet Flag (Bojo) u don ka histori kaba slem bha ha ka jingpyndonkam ha ka dawai, ka kolshor, bad ka koit ka khiah. Ka long ka dawai mariang kaba myntoi namar ka jinglong dawai bad jingiwbih jong ka. Ka kmie jong nga ka ju pynlong ia nga bad ki para ban dih Bojo(Sweet flag) haba nga pang sniehdoh naduh dang rit.
Haba nga la jah slem nga ju buhrieh ia ka jingshisha ba nga pang khnang ba ka kmie kan nym khuslai. Hynrei mynta, katba ngi dang pyndonkam da ki smartphone ban ïakren ,ka kmie jong nga ka la ïohi ba nga ïoh ïa ka jingpang khlam bad jyrhoh. Ha kane ka kynti ruh, ka kmie jong nga ka la phah ia nga ia u Bojo uba la mih ha la ka jong ka kper.
Ka jingieit bad jingduwai ba man ka por jong ka kmie jong nga ka pynkynmaw kham bun ia nga ia ka Kmie Bneng jong nga. Nga ju burom ia ka namar ba ka sumar. Lada ka jingieit jong ka pyrthei ka long kaba ym lah ban thew bad kaba neh junom, ym don mano mano ruh kiba lah ban batai ia ka jingieit jong ka bneng. Ngan ym iehnoh ia u mawsiang ban pynsngewthuh ia ka pyrthei ia ki Ktien Jingieit jong ka Kmie bad ia ka jingieit jong ka Kmie kaba hikai ia ka jingieit. Ngan iathuh ha ka pyrthei ia ka ktien jingieit ka Mei.