Dang shen, kawei na ki tnga jong u paralok jong ngi ka la khlad noh.
Haba iohsngew ia kata ka khubor, ngi la leit sha iing jong u ban pyntngen ia u.
Haba u iohi ia ngi ba ngi iajan sha iing jong u bad haba ngi la iakren khatduh, u paralok jong ngi um lah ban buhrieh ia la ka jingsngewsih; u la iam kum u khynnah katba u dang iathuh ia ki jingkynmaw kiba itynnad bad la ka tnga.
Ngi la sngap jar bad da ka jinglong tynrai ngi la ong ia ki kyntien jingieit jong ka Mei, “ Ngin duwai na ka bynta jong phi, ka dei ban long kaba eh ia phi, hynrei ngi don hangne na ka bynta jong phi.”
Kita ki kyntien kim shym la pynkhih tang ia u hynrei, ha kawei ka por, ki la pynkhlain ia u ban iaid shakhmat bad ban pdiang ia kaei kaba don ha khmat jong u.
Kumne, ki kyntien jingieit jong ka Mei ki ktah shisha ia ka dohnud jong ngi wat ha ki khyllipmat ba ki jingjia ha ka jingim ki i kumba kim lah ban shah.