Ngi ju ialehkai bunsien namar kiei kiei kiba rit, bad ka para kaba kham heh jong nga kam ju kren ia nga haduh shisnem shiteng.
Um shym la iakren bad nga haduh shisnem shiteng, namar kata ka jingbym iasngewthuh jingmut bad ka jingjngai hapdeng jong ngi ka la nang jur.
Bunsien nga la pyrshang ban pynbeit ia kiei kiei da kaba panmap na ki hynmen bad ki para jong nga ha Seion, hynrei ngam ju pyntreikam ia kata ha iing.
Ha u snem ba la dep, ha ka jingialang ki dkhot samla, nga bad katto katne kiwei pat ki dkhot ngi la rwai ia ka jingrwai thymmai, Sorry.
Ha kata ka sngi nga la sngew ia ka bor jong ka kyntien sngewsih shibun eh.
Katba nga dang leit phai sha la iing janmiet, nga la thied ia ka cake rit na ka bynta ka para kaba kham heh bad nga la ai bam ia ka da la ki jong ki kti, nga la kdup ia ka bad nga la panmap na ka.
"Ngam dei ban ialeh pyrshah ia phi, nga sngewsih."
Haba ka la iohsngew ia kane ka ruh ka la sdang ban iam.
Da kaba pan map, ka jingsngewsih bad jingbitar hapdeng jong ngi ka la mih ha ka dur jong ki ummat.
Nga bad ka para jong nga ngi ju ialehkai man ka sngi.
Hadien ba la panmap, mynta la 5 bnai, ngim pat ialeh wat tang shisien ruh.