Da ka jingsngewnguh ia u Kpa bad ka Kmie, ma nga bad u khun jong nga ngi la ioh ban mad ia ka bor kaba phylla lyngba ka jingpynbna jingieit jong ka Kmie.
Hadien ba ngi la wan phai na ka jingmane ngi la leit ban sei ia u kulai jong ngi bad ngi la iohi ia kawei ka tnga bad u lok ha ka lift. Da kaba pyrkhat ia ka MWC (Ka jingialap ia ki kyntien jong ka kmie) nga la phuh samrkhie bad nga la khublei ia ki da kaba ong “Hei, kumno phi long?” U Jacob u la jubab “bha, phi ki rangbah phi peit shai mynta ka janmiet. Nangno phi wan baroh?” Na iingmane” nga la jubab. “Phi baroh phi lah ban wan sangeh lada phi kwah.”
Ha ka jinglyngngoh jong nga u Jacob u la jubab “Shisha, ngi dang leh katto katne ki jingthied jingpet jong ka Balang mynta hi.” Ka khmat jong nga ka la rben namar ka jingkmen. Ngi la iakylliang ia ki jingtip ba lah ban iakynduh bad ngi la bteng ban iakren lyngba ki text. Hadien kata ka janmiet u Jakob u la phah khubor ia nga kaba pynpaw ia kine harum. “Nga sngewnguh shisha ia ka jingpdiang sngewbha. Ki briew kiba phi iakynduh na iingmane ki iathuh shibun ia phi shaphang ki jingialap ba la ialap hangta. Nga don ka jingsngew kaba bha shaphang ka jong phi.” Sngewbha duwai na ka bynta u Jacob ba ha kawei ka sngi un leit lang Balang. Nga ai khublei ia u Kpa bad ka Mei na ka bynta kane ka Campaign kaba itynnad.