Ka iing jong nga ka don 4 ngut, na kine u kpa jong nga u la wanphai biang sha ka dohnud U Blei 3 snem mynshuwa hadien ka jingialeh kaba slem bad ka jingpang cancer, ka kmie jong nga ka trei sha jngai kumta ki don 2 ngut ki para kynthei kiba sah lang.
Shibnai mynshuwa ka dei ka sngi kha jong ka kmie, namar ba nga la bunkam ha ki kam bad ngam lah ban leh ei ei kaba kyrpang, ki arngut ki para kynthei ki don tang khyndiat ka por ban leit lang ban jied ia ka jain kum ka jingai sngewbha. Haba nga la sop ia ka hynnin ka sngi ban pynthikna ba kan long kaba bit ban kit sha ka jaka kaba jngai palat 2,000 km katba nga dang bat ia ka synduk, nga la pyrkhat bha bad nga la rai ban pynlut por kham bun khyndiat ban shna ia ka card sngi kha. Bad donbok! Ka synduk jingai sngewbha kaba don ia ka jain ka la don lypa ki jingthoh syntiew ba pynitynnad, kumta nga shu thoh shuh shuh ia ki jingai khublei bad jingai mynsiem ia ka kmie - kaba la ju trei shitom bad aiti lut jngai na ka iing ka sem khnang ba ngin ioh ia ka jingim kaba kham suk. Nga la pyndep ban sop ia ka jingai bad nga la phah ia ka da ka jingkyrmen kaba shisha ba yn pynkit ia ka da kaba suk bad ha ka por kaba biang, namar kata ka sngi ka la jan ia ka sngi kha jong ka bad ka tarik ba la khmih lynti ban poi kan sa palat ia ka tarik ba la buh. Hynrei nangta, kum ka kambah jong ki Kmie ki Kpa Bneng, ba la ktah da ki dohnud jong ki arngut ki para kynthei, ka synduk jingai sngewbha ka la poi ha ka por bad ka dang sah khlem kano kano ka jingtwa. Ka kmie jong nga ka la sngew lyngngoh, ka la ktah bad ka la sngewkmen shibun ia ka jingai sngewbha na ki arngut ki para kynthei. Bad ka la slem bah ba ka kmie kam shym la ioh jain thymmai, namar ka kmie ka ju lum ia kawei pa kawei ka pisa kaba rit ban phah sha iing ban siew ia ka bai skul jong nga bad ka jinglut jong ki arngut ki para kynthei ha ka jaka ban lum ia kata ka pisa kaba ka la kamai shitom na ka bynta lade.
Ha kawei pat ka sngi, ka kmie ka la phah jingai sngewbha sha ki arngut ki para kynthei jong nga ha ka sngi ba uwei u briew uba nga ithuh u la wan sha ka thain jong ngi. Haba nga plie ia ka pla jingai sngewbha, nga la sngew lyngngoh shibun ban iohi ia ka envelope ba la pyndap. Ynda nga la plie ia ka, ka don kawei ka card kaba itynnad bha kaba don ka dur jong ngi lai ngut. Ha ka liang ba shadien jong ka card la thoh da ka kti jong ka kmie:
“Sha ki arngut ki khun syiem barit jong nga! Nga kyrmen ba ngin lah ban iakynduh biang kloi 😄 Nga ieid shibun ia phi ❤️ - MOM”
Nga la shah ktah bad shah pynshlur haduh katta katta haba nga iohi ia ka jingthoh kti jong ka Mei.
Hooid, ki por ki la nang kham suk bad kham thymmai, kumta ki briew ki lah ban thied da kaba suk ia ki jingai sngewbha kiba rem dor ha ka por kaba lyngkot. Hynrei ha kane ka juk, ki shithi ba la thoh da ka kti kiba don ka jingieit bad ka jingaiti ia ka por ban pynsngew ia ka dohnud ki dang long ki jingai kiba kordor tam bad ki iehnoh ia ka jingsawa kaba neh ha ka jingsngew, ym tang ha ka khyllipmat ba pdiang ia ka jingai.
Nga la sngewkmen shibun eh ban ioh ban iashim bynta ha ka jingialang jong ka Ktien Jingieit jong ka Kmie. Da ka jingïakhih, ngam shym la mad tang ïa ka jingkmen ban ai jingieid, hynrei nga la mad ruh ïa ka jingkmen ban ïoh jingieid ha kajuh ka rukom. Ka long kaba shisha ia ka Ktien kaba ong:
“Lada phi kwah ba kiwei kin leh ia phi ha kawei ka rukom, te leh shwa ia ki kumta.”
“Namar ia kaei kaei kaba u briew u bet, ia kata ruh un ot.” 🌱❤️