Hadien ba nga la iohi ia ki hynriew tylli ki ‘Ktien Jingieit Kmie’, nga la rai ban sdang ban pynmlien ia kaba nyngkong, ki jingkhublei, ha ka jingim ba man ka sngi jong nga.
Nga la pyrshang ban khublei ia ki para marjan jong nga ha ka lift da ka sur kaba jem, da kaba ong, “Khublei,” wat la nga ju shu leh kum bym iohi ia ki ne nga shu sngap jar bad iaid lait ia ki.
Haba nga la khublei nyngkong ia ki, nga lah ban iohi ia ki nongshong shnong kiba kiew ha ka lift ba ki la sngewlyngngoh^^
Nangta baroh ki la ia khublei iwei ia iwei pat bad ki la ia ong, “Khublei.”
Nga la shu ia khublei ia ki briew la kumba shi taiew eiei, hynrei nga la iajan bha bad ki katto katne ki para marjan. Haba ngi iaid lyngba iwei ia iwei pat, ngi ia sngap jar bad ia khublei iwei ia iwei pat man ka por.
Ka dei ka jingleh kaba rit, hynrei ka la pynlong ia nga ban sngewkmen.
Wat la ngi la sah ha kajuh ka iing la palat shisnem, hynrei ngim shym la iatip iwei ia iwei pat, hynrei mynta ba ngi la long kiba nyngkong eh ban ia khublei, ka long kumba ngi la kylla long ki ‘para marjan bashisha.’